Jakarta – Badan Gizi Nasional (BGN) saiki resmi ngenalna pimpinan anyar. Gantine pimpinan iki ben tata kelolane luwih apik lan program gizi nasional iso mlaku lancar kanggo nggolekna generasi Indonesia sing sehat lan maju.
Adhedhasar rilis resmi BGN, pimpinan anyare ana telu wong:
*1. Nanik Sudaryati Deyang dadi Kepala BGN*
Nanik S. Deyang saiki ganteni Dadan Hindayana. Mbak Nanik iki wong Madiun, laire tanggal 3 Januari 1968. Aja kaget, dheweke dudu wong anyar nang BGN. Wingi-wingi dheweke dadi Wakil Kepala bidang Komunikasi Publik lan Investigasi, sekalian dadi Ketua Pelaksana Harian Program Makan Bergizi Gratis (MBG). Saiki munggah dadi Kepala.
Latar mburine Nanik kuat banget nang bidang jurnalistik lan kebijakan. Dheweke tau dadi jurnalis senior nang Tabloid Bangkit lan Kompas Gramedia, terus dadi pimpinan media nang Kelompok Media Peluang (KMP). Nang bidang politik, Nanik tau mlebu tim sukses Prabowo Subianto wiwit Pilpres 2019, terus tau dadi Wakil Badan Percepatan Pengentasan Kemiskinan lan Komisaris Independen PT Pertamina (Persero) wulan Juni 2025 wingi.
*2. Agustina Arumsari dadi Wakil Kepala BGN*
Agustina Arumsari saiki dadi Wakil Kepala BGN. Dheweke ahli nang bidang pengawasan duit negara, rekam jejake dawa nang Badan Pengawasan Keuangan lan Pembangunan (BPKP).
Jabatane tau akeh: Direktur Investigasi BUMN/BUMD wiwit 2017, terus dadi Direktur Investigasi tahun 2019, nganti dadi Deputi Kepala BPKP bidang Investigasi tahun 2020. Wingi wulan Februari 2025 dheweke dilantik dadi Wakil Kepala BPKP Pertama. Saiki nang BGN, tugase nguatna tata kelola keuangan lan ngresiki akuntabilitas nang jero BGN.
*3. Mayjen TNI Trenggono dadi Wakil Kepala BGN*
Pimpinan anyar siji maning yaiku Mayjen TNI Trenggono. Dheweke perwira tinggi TNI Angkatan Darat. Wingi dheweke dadi Wakil Direktur Utama PT Agras Nusantara, perusahaan sing ngurusi pertahanan lan ketahanan pangan strategis.
Amarga latar mburine militer lan pengalaman nang bidang logistik pangan, fokus Trenggono nang BGN yaiku nguatna sistem logistik, ngatur dapur Satuan Pelayanan Pemenuhan Gizi (SPPG), lan ngurus operasional nyebar program gizi nasional nganti tekan lapangan.
BGN negesna, nang sangisore pimpinan anyar iki BGN nggawa nilai *Kolaborasi, Integritas, lan Ketulusan kanggo Gizi Berkualitas*. Slogane “Siji Tujuan, Siji Komitmen kanggo Generasi Indonesia sing Sehat lan Hebat!” dadi panutan kerjane BGN mengko.
Muga-muga karo pimpinan anyar iki, program-program penting pemerintah nang bidang pemenuhan gizi, utamane Program MBG, iso luwih cepet mlaku lan ngena tekan masyarakat.(red)
